БАРНОЧА ЎШ

» БАРНОЧА ЎШ

Шуҳрати оламга достон, эй гўзал барноча Ўш,
Хуш хаво Дилдори бўстон эй гўзал барноча Ўш.
Субҳидам сунбул гулистон, эй гўзал барноча Ўш,
Гавҳарий шомий шабистон эй гўзал барноча Ўш.

Халқи тўқ ширин забони, Дилрабо зебочадир,
Қиз-йигит ошиқ-муҳаббат Тоҳиру-Зухрочадир.
Келса меҳмон гул поёндоз булбули гўёчадир,
Шуҳрати оламга машҳур эй гўзал барноча Ўш.

Пахта майдони чиройли, кенг олам қўю-қўзи,
Меҳнати атлас-ипаклик, қурт боқар йигит-қизи.
Меваси ширин-шакар, бол, нони, қаймоқ қирмизи,
Лаззати хуштар макони эй гўзал барноча Ўш.

Ёз "Қамар” илҳомларингни шул гўзал Ўш шаънига,
Қиз-йигит илму-хунарли, завқи меҳнат конига.
Шул забон рахматин йўллар партиямиз номига,
Хуш хавоси Дилоромим эй гўзал барноча Ўш.
9 феврал, якшанба 1964 йил

«MusicBy.Uz» telegram каналига қўшилинг ва энг сўнгги янгиликлардан хабардор бўлинг!

Метки: Уш, БАРНОЧА

Похожие новости