Майли ёмғир, майли қор бўлсин,
Сиз томонга чорлар қадамлар.
Қайда бўлсин, фақат бор бўлсин,
Мани яхши кўрган одамлар!
Сиз борсизки кичик, йирикман,
Сиз борсизки билинмас камлар.
Ахир сиз туфайли тирикман,
Мани яхши кўрган одамлар!
Кўрдим қанча қайғую базм,
Қолдими мен кўрмаган дамлар!
Бугун сизга қиламан таъзим,
Мани яхши кўрган одамлар!
Майли кенгдир, майли тор бўлсин,
Сиз туфайли кўринмас ғамлар.
Қайда бўлсин, Худо ёр бўлсин,
Мани яхши кўрган одамлар!
