Жамолинг соғинганда,
Зор ташлаб кетгандинг-ку.
Нега йиғлаб келяпсан,
Севмайман дегандинг- ку!
Чиндан ҳам севмас эдинг,
Кадримни билмас эдинг,
Айтгинчи нега келдинг,
Севмайман дегандинг-ку!
Жоним тушаб жонинга,
Зор эдим висолинга,
Кайтмагайман ёнинга,
Севмайман дегандинг-ку!
Ишқга туширмайин гард,
Тўлин ойга дардинг айт,
Собит сени севган пайт,
Севмайман дегандинг-ку!
Куйинмагин энди ҳеч,
Умр ўтди бўлди кеч,
Унутмагин шуни хеч,
Севмайман дегандинг- ку!
Метки:
