» Bir kunim
Yuzimni onamdek silasa sabo,
Rayhon taraladi kokillarimdan.
Toshlariga qo’shib oqizdi daryo,
Meni chaqirib ol, sohillaridan.
Bayrog’i bo’ldim men qizil shafaqning,
Shom langar tashladi lahzalarimga.
Poylarini o’pib, quchdim tuproqning,
Endi ne yozilgay sahfalarimga?
Nigohimda gullar tuyg’ular izsiz,
Tomirimga sig’may yig’laydi qonim.
O’rmak yuguraman yozsiz va kuzsiz,
Sen meni kechirgin, qil bo’lgan jonim.
Kuzoynagin taqib ulgurmay quyosh
Nimalarni ko’rar ufqdan-ufqqacha?
Ko’ksimga bosh qo’yib, yig’layotgan tosh
Neni joylayapsan ichdan-ichgacha?
Qizil shamlarini yoqqanda samo,
Qora tashvishlari ortdi havoning.
Tunni yelkalagan ey, bedil dunyo,
Mening yuragimga botdi tovoning.
Метки:
Похожие новости
- Umrbod Qolmayman Bir Kun O'laman!
- Unutmayman seni bir umr
- Umrbod Qolmayman Bir Kun O'laman!
- Bir umrga afsus qilasiz.
- Alloh beradi bir kun
- Meni bir bor eslagin gulim...
- Har kuni o'lgandan bir kun o'lgan afzal....!
- Chin bir inson bo'lsin bas.
- Sajdaga Bir Bora,Bosh Qo'ysam Deydi..!
- Xamrox bo'lolmadik bir birimizga.