Ўнқир йўлда заҳматларда қолсам ҳам,
Сира карвонимдан узилганим йўқ.
Бу хаёт карвонин бўсағасида,
Фақат ўлмоқ учун туғилганим йўқ.
Юртимнинг корига, ярарман бир кун,
Вақт келар елкага, оламан юкин.
Номига шеър битай, узундан-узун.
Фақат ўлмоқ учун туғилганим йўқ.
Неники қилмайин собит қадамман,
Мен ҳам бир сиздайин оддий одамман.
Кимгадир ҳаётман, бутун оламман.
Фақат ўлмоқ учун туғилганим йўқ.
Ёмғирдай тўкилиб, ойдай тўламан.
Кун келиб, тилларда достон бўламан.
Номимни қолдириб, сўнгра ўламан.
Фақат ўлмоқ учун туғилганим йўқ.
