Минг розимиз ота сиздан!

» Минг розимиз ота сиздан!

Кетдингизми отажоним, бўзлаб-бўзлаб қолавердик.

Во дариғо, дуоларни сўзлаб-сўзлаб қолавердик,

Гуллар мисли поёндоздек, бағрин парча-парча қилган,

Йўлингизда изларингиз излаб-излаб қолавердик.

Мустақиллик билан тенгдош жоним болам йиғлар бугун,

То тонггача жойнамозда қолган онам йиғлар бугун.

Соҳибларим ибодатда,нодўстларим адоватда,

Уввос солиб жон ҳолатда,бутун олам йиғлар бугун.

Ўз элини улуғлаган буюк инсон кетди ё Раб!

Тўй бошлаган диёрини этиб ҳайрон кетди ё Раб.

Ютуқлардан қувончини юрагига сиғдиролмай

Яратганга айтмоқ учун, улуғ ҳоқон кетди, ё Раб

Омон боринг,бузрукворим.ризо бўлинг халқингиздан.

Сизга лойиқ бўлган ҳар бир мард ўғилу-қизингиздан.

Унутмаймиз сизни асло,кўздек асраб шу Ватанни.

Минг розимиз,

Минг розимиз ота сиздан!