ЎЗБЕК ХАЛҚИМ

» ЎЗБЕК ХАЛҚИМ

Ўзбек халқим бугун сен-чун катта синов майдон келди,

Отамиздай буюк сарбон, халқим учун карвон келди.

Ўтганларнинг руҳи қўллар парвардигор биз томонда,

Шундай оғир дамда билинг халқимизга қалқон келди.

Ким бўлмасин Президентнинг ўрни азиз, буюк билар,

Мангуликка элим суюб қадрлайди, азиздилар.

Мирзиёев бўлсин майли, бошқами ё Оллоҳ билар,

Инсоф ҳамда диёнати бўлгач халқин бошин силар.

Ўзбекистон, ўзбек учун сайлов доим байрам бўлган,

Ўшал сабаб элим ризқи мўл-кўл бўлиб, сойлар тўлган.

Оби-ҳаёт мўл бўлса гар ризқу рўз ҳам беададдир,

Бахтимизни кўролмаслар рангги сарғайиб сўлган.

Оллоҳимнинг назарлари тушган азиз макондамиз,

Хоразму Хивамизда туғилишдай имкондамиз.

Бу ҳам бир бахт, бизлар учун чексиз мадад, чексиз омад,

Минг шукурлар бўлсин Раббим берган тўкин бир кондамиз.

Авваламбор Оллоҳимдан фармон келди, минг шукурким,

Ҳамма учун шундай қутлуғ замон келди, бир фикрким.

Маҳфиратли яратганим қўллар ўзи халқим суюк,

Муҳаммаднинг умматимиз дилдан этай мен зикрким.

МАҲФИРАТ