o'st bilan dushmanning farqini bilib,
Bemehr odamdan ehtiyot bo'ling.
G'iybat qilsa sendan manfa'at ko'rib,
Noshukr odamdan ehtiyot bo'ling.
Tilda boshqa dilda boshqa bo'larlar,
Seni o'zlariga dushman bilarlar,
Tuni kun ortingdan noming bulg'arlar,
Toshbag'r odamdan ehtiyot bo'ling.

Hech qachon pul uchun iymonni sotib,
O'tkinchi dunyoda vijdonni sotib,
G'aflat botqog'ida qolmangiz botib,
Besabr odamdan ehtiyot bo'ling.
Senga omad kelsa qilarlar xasad,
Ming bir yaxshilikka aytmayin rahmat,
Ortingdan to'qirlar ig'voyu tuhmat,
Befikr odamdan ehtiyot bo'ling.
Ehtiyot bo'linglar kimda odob yo'q,
Tarbiya kitobin olmagan to'liq,
Umrin barbod etar topmayin yo'riq,
Serjahl odamdan ehtiyot bo'ling.

Ahad Qayum so'zin tinglang birodar,
Gohi do'st ortingdan uradi xanjar,
O'zingniki jonga boshqacha sanchar,
Beaql odamdan ehtiyot bo'ling.