Барча ойларга султон,
Эзгулик, савобга кон.
Нурланар сенда имон,
Хуш келдинг, эй Рамазон!
Шайтон занжирбанд бўлиб,
Ҳирсу нафслар ўлиб,
Қалбимиз нурга тўлиб,
Хуш келдинг, эй Рамазон!
Низолардан қутилиб,
Аразлар унутилиб,
Барча дўстона кулиб,
Хуш келдин, эй Рамазон!
Қайғу-ғам четга қочиб,
Қут-баракани сочиб,
Жаннат эшигини очиб,
Хуш кединг, эй Рамазон!
Танадан дардлар қулаб,
Беморга шифо улаб,
Мискинлар бошин силаб,
Хуш келдинг, эй Рамазон!
Қимматли Қадр кеча,
Минг йилга татир кеча,
Етолмай неча-неча,
Хуш келдинг, эй Рамазон!
Қулаб гуноҳнинг тоғи,
Ваъда - Фирдавснинг боғи,
Тўлиб жаннат қучоғи,
Хуш келдинг, эй Рамазон!
Метки:
