Бу дунё синовлари,
Чарчатиб қўйди она.
Синайвериб сабримни,
Гаровга қўйди Она!
Билмадим, билолмадим,
Кимга ўта яқинман?!
Чўғ бўлиб ёнолмадим,
Ёнсам тутаб ёндим ман...
Ташвиш тушганда бошга,
Дўстлар бўлди бегона.
Меҳрингизга ташнаман,
Сизни соғиндим Она!
Ҳаёт кўчаларида,
Бормоқда умрим ўтиб.
Гўёки яшаяпман,
Олисдан "бахт"ни кутиб.
Тушунгувчи бормикан,
Ҳолатимни жон Она?!
Орзуларим саробми?
Тўлиб кетди паймона.
Мовий гумбаз чорласа,
Кўкка парвоз қилсайдим.
Ёмон хотираларни,
Эҳ, унута олсайдим.
Мендан қизғониб дунё,
Тортиб олди ишқни ҳам.
Кетган омад, кетган бахт,
Асир олган дард-у ғам.
Нетай, ҳамон Онажон,
Ёлғизлик қуршаб олган.
Пешонамга битмаган,
Ёримда кўнглим қолган..
