Хаю-ҳавасларга берилма инсон.
Замонанг келардур, бироз кутгинчи.
Хар кимнинг бошига тушган қисмат бу.
Дунё ўткинчидир, дунё ўткинчи.

Сўзларим тинглагин олмасдан малол.
Беш кунлик умрингга қилмасдан завол.
Халол ризқ излагин, ризқ изла ҳалол.
Дунё ўткинчидир, дунё ўткинчи.

Хар кимнинг даври бор, келса давринг сур.
Шоҳ эмас, баргида бўлсанг хушёр тур.
Кузда барглар ҳазон бўлмоғи бордур.
Дунё ўткинчидир, дунё ўткинчи.

Хурлардан қолгайдур, беклардан қолгай,
Бевафо дунёдур, кўплардан қолгай.
Сендан ҳам қоладур, мендан ҳам қолгай,
Дунё ўктинчидир, ўткинчи дунё.

Айланар тинмайин умр чархпалак,
Хаёт ранг-барангдир, мисли камалак.
Байтимга ҳеч шубҳа қилмасанг керак,
Дунё ўткинчидир, дунё ўткинчи.

Чиққиллаб, бонг урар соат миллари,
Саккиз келса еттин чиқмас тиллари.
Собит қадам бўлгин кундуз-тунлари,
Дунё ўткинчидир, давринг ўткинчи.