Бир қарорга келдинг кўп ўйлаб,
Виждонингни сотдинг-ку эй дўст!
Ёлғонларни алжираб сўйлаб,
Ёв қўйнида ётдинг-ку эй дўст!
Сирларимни ўрганиб обдон,
Душманларга сотдинг-ку эй дўст!
Сўнг устимдан кулиблар шодон,
Лофларингни отдинг-ку эй дўст!
Ғийбатимни қилиб эрта - кеч,
Ҳаром гўштим тотдинг-ку эй дўст!
Вафо нима билмайсан - у ҳеч,
Вафодан сўз қотдинг-ку эй дўст!
Бунчалар ҳам нонкўр бўласан,
Тузларимни тотдинг-ку эй дўст!
Қоқилсам гар шодон бўласан,
Қаҳ - қаҳалар отдинг-ку эй дўст!
Кўнглим бугун сендан кўп безор,
Ғаразларинг ютдинг-ку эй дўст!
Кўнглим бошқа дўстга интизор,
Дўстлигимиз сотдинг-ку эй дўст!
